ബെംഗളൂരു: സെൻട്രൽ സിൽക്ക് ബോർഡ് ജംഗ്ഷനിൽ നിന്ന് ഹെബ്ബാൾ ജംഗ്ഷൻ വഴി ബെംഗളൂരു അന്താരാഷ്ട്ര വിമാനത്താവളം വരെയുള്ള 58.19 കിലോമീറ്റർ ദൈർഘ്യമുള്ള ബാംഗ്ലൂർ മെട്രോ റെയിൽ പദ്ധതി ഫേസ് 2 എ, 2 ബി എന്നിവയ്ക്ക് കേന്ദ്രം തിങ്കളാഴ്ച അംഗീകാരം നൽകി.
14,788.101 കോടി രൂപ ചെലവ് പ്രതീക്ഷിക്കുന്ന പദ്ധതി അനുവദിച്ച തീയതി മുതൽ അഞ്ച് വർഷത്തിനുള്ളിൽ പൂർത്തീകരിക്കുമെന്ന് കേന്ദ്ര മന്ത്രി ഡി.വി സദാനന്ദ ഗൗഡ പറഞ്ഞു.
“നഗരത്തിലെ മറ്റ് ഗതാഗത സംവിധാനങ്ങളുമായി കാര്യക്ഷമമായും ഫലപ്രദമായും മെട്രോ ഗതാഗതം സംയോജിപ്പിക്കുന്നത് പദ്ധതിയിൽ ഉൾപ്പെടുന്നുണ്ട്, ഇത് നഗരത്തിലെ ഗതാഗത സംവിധാനം കാര്യക്ഷമമാക്കും. ബാംഗ്ലൂർ മെട്രോറെയിൽ പദ്ധതി ഫേസ് 2 എ, 2 ബി എന്നിവയുടെ അനുമതി ഉത്തരവ് ഇന്ന് പുറപ്പെടുവിച്ചു,” എന്ന് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡിന്റെ (ബിഎംആർസിഎൽ) പ്രസ്താവനയിൽ അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
